Aakhir vo CA student hai

Shivika Ajmera
ICAI Reg. no. : CRO0687870
CA Course : CA Finalist
City : Bhilwara, Rajasthan

Aakhir vo CA student hai

CA sirf CA nahi gehna hota hai, magar sone ko gehna banne ke liye tapana padta hai.....

  1. Khud se jyada mere chehre ko nihaarta hai magar mere chehre se jyada "Kitaabien" padhta hai....aakhir vo CA student hai !
  1. 10vi se sunta hai 10th ke baad toh mauj hai, 12th ke baad toh mauj hi mauj hai, magar 12th khatam hote hi agle hi din saari mauj chodkar, zindagi ki ladai shuru karne, CA ki padhai shuru karne, CA foundation ki coaching jata hai ....aakhir vo CA student hai !
  1. Bachpan se college life ki series aur movies dekh kar bhi college life sacrifice karke , couple goals ki jagah 12-12 gante CA intermediate ki padhai karne ke goals set karta hai.... aakhir vo CA student hai !
  1. Intermediate ki coaching Mai agar kisi se Dil lag jaaye, magar haath Mai phir bhi calculator hi aata hai .....aakhir vo CA student hai !
  1. Ishq Dil lagaane wali se karta hai , magar dil lagane wali se jyada gehra rishta uska books aur calculator ke saath hota hai ....aakhir vo CA student hai !
  1. Phir chahe Dil toote ya result Mai fail ho Jaaye, saari himmat jutakar , result ke agle hi din , agle attempt ki tayaari karne, kitaabo o se baatein karta hai ki aakhir bannna toh CA hi hai....aakhir vo CA student hai !
  1. Big 4/ Big 6 ke sapne liye , 15000 ki stipend ke liye family se door, Ghar chod kar , articleship karne , zindagi banane , mumbai local ke dhakke khata hai ....aakhir vo CA student hai !
  1. Teacher ki 1 naa sunne wala, school ka backbencher, office mei 5 minute late jaane per principal ki daat kha kar bhi client ke ITR file karta hai....aakhir vo CA student hai !
  1. 10-10 ghante sone wala , maa-papa ka laadla , office se thak krr bhi , raat raat bhar jaag kar , FR ke lecture dekhta hai...aakhir vo CA student hai !
  1. Dimag mei chahe kitna bhi stress ho, AFM ke formula revise kare Bina Dil ko chain aata nhi, aakho Mai chahe neend bhari ho magar direct tax aur GST ke amendment, usko sone dete nahi....aakhir vo CA student hai !
  1. GMCS aur ITT ki training Mai agar kisi se Dil ke taar jud bhi jaaye, aur khwab ban jaaye, magar uske har khayal mei CA finals aur CA prefix hi aata hai ....aakhir vo CA student hai.
  1. Inn 3 saalo ki mehnat ke baad, maa- papa ki duao ke saath, dosto ke pyaar ke saath jab result pe vo 4 letter word PASS dekhne ko milta hai , jab papa kehte hai Mera beta CA ban gaya, jab maa ke muh se CA sahab nikalta hai, tab papa ki aakho Mai garv dekhkar aur maa ke 2 shabd sunkar hoothon pe muskurahat ke saath aankien bhar aati hai ....aakhir vo CA student hai , aur yeh uske khushi , mehnat aur garv ke aaso hai...kyuki ab vo sirf CA student nahi CA sahab hai!!